Novruz Bayramı konserti

ANS ÇM hər kəsi Xırdalan Şəhərində yerləşən AAAF Park Yaşayış Kompleksində təşkil olunacaq möhtəşəm Novruz konsertinə dəvət edir!

ANS ÇM radiosunun təşəbbüsü, ANS Televiziyası və AAAF Parkın dəstəyilə Xırdalan şəhərində Novruz Konserti təşkil olunacaqdır. Tədbir “Kəndirbaz” şou və “Pəhlivan” şou ilə başlayıb, Novruzun gəlişini xəbər verən Bahar qızının salamlaması, Kosa və Keçəlin məzəli-duzlu zarafatları və ilə davam edərək, “Yurdumuza Bahar gəlir” adlı canlı konsertlə start götürəcək. Ən əsası isə bu dəfə Kosa və Keçəl heç kimdən hədiyyə almayacaq. Əksinə onların suallarına cavab verən qonaqlar Kosa və Keçəldən novruzsayağı hədiyyələr qazanacaqlar.

Konsertdə ən tanınmış və xalqın sevimli müğənniləri öz repertuarlarından milli-əhval ruhiyyəli mahnılarını ifa edəcək, maraqlı rəqs nömrələri göstəriləcək, hər kəsin vaxtının əyləncəli keçirilməsi məqsədilə maraqlı illuziya şou da nümayiş etdiriləcəkdir.

Konsertə gələn uşaqları “Bala dili” jurnalından da hədiyyələr gözləyir. Uşaqların ən sevimli televiziya personajı olan Barnı ilə bütün uşaqlar şəkil çəkdirmək imkanını əldə edəcək və Barni ilə əylənəcəklər. Barni ilə şəkil çəkdirən uşaqların şəkilləri isə “Bala dili” jurnalının növbəti saylarında dərc olunacaqdır. Bundan əlavə olaraq uşaqlara “Şar şou” əyləncəli proqram da təqdim olunacaqdır.

Novruz Bayramı münasibətilə ANS ÇM, ANS TV və AAAF Park Yaşayış Kompleksi bütün Azərbaycan xalıqını təbrik edir və hər kəsi 15 mart 2015-ci il tarixində saat 17:00-da Xırdalan şəhəri AAAF Parkda təşkil olunacaq Möhtəşəm Şou konsertə dəvət edir.

SHARE