Xırdalanda, AAAF şəhərciyində sahəsinə görə Azərbaycanın ən iri marketlərindən biri – Makromartın açılışı 1 avqust tarixində baş tutdu.

Tədbiri giriş sözü ilə açan Abşeron Rayon İcra Hakimiyyətinin Başçısının birinci müavini Gülməmmədova İradə xanım AAAF Park rəhbərliyinə minnətdarlığını bildirdi, bu cür geniş alış-veriş mərkəzinin açılışının yerli əhali üçün faydalı olacağını dilə gətirdi.

AAAF İnşaat MMC-nin rəhbəri Pərvin Əliyev alış-veriş mərkəzinə təşrif buyuran insanları salamladı, marketin bu gündən etibarən sakinlərin ixtiyarında olacağını, artıq xırdalanlıların alış-veriş üçün uzun yol qət etməyə ehtiyacının olmadığı və istədiyi məhsulları buradan rahatlıqla tapacağını bildirdi.
Sonda AAAF İnşaat və Zirvə İdman Kompleksi MMC-nin təsisçisi Tofiq Heydərov Makromart-ın açılışı münasibətilə sakinləri təbrik etdi.

300 min sakini olan Xırdalan şəhərində, 3700 m² alış-veriş sahəsini özündə birləşdirən Makromart zəngin çeşidi və təzə, keyfiyyətli, sanitar qaydalara uyğun, ekoloji təmiz məhsulları ilə fərqlənir. İşıqlı və yüksək texnologiyalarla təchiz edilmiş interyeri, səliqəli məhsul düzülüşü, arabaların hərəkətini rahat təmin edən geniş ərazisi yalnız müştərilərin rahatlığı üçün hesablanıb. Stendlərin yaxınlığında yerləşən xüsusi qurğulara məhsulu yaxınlışdırmaqla qiymətini öyrənmək mümkündür.

Avtomobilinizi saxlamaq üçün uzaq məsafə qət etməyə ehtiyac qalmır, marketin önündə yerləşən geniş avtopark işinizi asanlaşdıracaq. Alış-veriş zamanı fikrinizin dağılmaması üçün övladlarınızın əyləncəsini təmin edən uşaq istirahət mərkəzi də xidmətinizdədir.

Əyləncə

Html code here! Replace this with any non empty text and that's it.