Elxan Əliquluzadə dünya çempionatında gümüş medal qazandı!

Xəbər verdiyimiz kimi, ABŞ Hyuston şəhərində keçirilən ağır atletika üzrə kişilər arasında 82-ci, qadınlar arasında 25-ci dünya çempionatında Azərbaycan milli komandasının üzvü – Elxan Əliquluzadə 77 kq çəki dərəcəsində B qrupun çıxış etmişdi. “Lənkəran-Zirvə” atleti uğurla yarışaraq toplamda 357 kq (154+203) nəticə göstərmiş, B qrupunda 1-ci olmuşdu.

Elxan həm də təkanla qaldırma hərəkətində 203 kq-la gənclər arasında dünya və Avropa rekordunu yeniləmiş, tanınmış türk atlet Taner Sağırın 2004-cü il Afina Olimpiadasında müəyyənləşdirdiyi 202 kq-lıq rekordu öz adına yazdırmışdı.

Artıq 77 kq çəki dərəcəsində A qrupundakı çıxışlar da başa çatıb. Sevindirici xəbər odur ki, Elxan Əliquluzadə 203 kq-la təkanla qaldırma hərəkətində dünya çempionatının gümüş medalına sahib çıxıb (yekun sıralamada 6-cı yer). Əla nəticədir. Gənc və perspektivli atletimiz sübut etdi ki, istənilən zirvəni fəth etməyə qadirdir. Onu və bütün məşqçi heyətimizi bu münasibətlə təbrik edir, uğurların davamının gəlməsini arzulayırıq!

elxan-netice

12310453_1046311022070083_1470151453424972448_n

SHARE