“Əlillərin dostu” Qənirə Paşayeva AAAF Parkda sevgi ilə qarşılandı

 “AAAF Park” Yaşayış Kompleksində “İstedadlı Əlillər” İctimai Birliyinin təşkilatçılığı ilə  əl işlərindən ibarət sərgi və musiqi istedadlı fiziki  məhdud  insanların konserti təşkil olundu. Millət Vəkili Qənirə xanım Paşayeva tədbirin fəxri qonağı idi.

Qənirə Paşayeva ilk öncə istedadlı əlillərin əl işləri, rəsm əsərləri ilə tanış oldu. Ən qiymətli hədiyyənin kitab olduğunu vurğulayan millət vəkili “İstedadlı Əlillər” İctimai Birliyinin üzvlərinə və “AAAF Park” Yaşayış Kompleksinin rəhbərliyinə öz kitablarını hədiyyə etdi.  Bu gün fiziki imkanları məhdud minlərlə insanın olduğunu, həmin insanların ruh düşkünlüyünə qapanaraq cəmiyyətdən təcrid olunduğunu söyləyən millət vəkili, əslində bu insanlar üçün belə bir tədbirləri təşkil etməyin tək dövlət səviyyəsində deyil, siravi insanların da daim diqqət mərkəzində olmalı olduğunu dilə gətirdi.

Qənirə xanım təşkilatçılığa görə “İstedadlı Əlillər” İctimai Birliyinə  və bu layihəyə dəstək göstərən “AAAF Park” Yaşayış Kompleksinə təşəkkürünü bildirdi. Fiziki imkanları məhdud  insanlarda ruh yüksəkliyi yaradacaq bu kimi sərgi, konsert və görüşləri tez-tez təşkil etməyin vacibliliyini vurğuladı.

Xatırladaq ki, əlilliyi  olan  istedadlı  insanların  əl  işlərinin   sərgisi və musiqi istedadı olan fiziki məhdud  insanların konsertinin təşkil  edilməsi  “Fiziki  məhdud  istedadlı  insanların  cəmiyyətə  inteqrasiyasına dəstək”  adlı  layhənin bir hissəsidir. “İstedadlı  Əlillər”  İctimai  Birliyi tərəfindən təşkil olunan bu təbdir Azərbaycan Respublikasının Prezidenti  Yanında  Qeyri Hökumət  Təşkilatlarına Dövlət  Dəstəyi Şurasının maliyyə, “AAAF Park” Yaşayış Kompleksinin isə təşkilati dəstəyi  ilə  həyata keçirildi.

 “AAAF Park” Yaşayış Kompleksi olaraq bildirmək istərdik ki, fiziki imknaları məhdud olan insanların cəmiyyətə  inteqrasiyasını əsas tutaraq təşkil olunan bu kimi tədbirlərə hər zaman öz dəstəyinimizi  göstərəcəyik.

The requested album cannot be loaded at this time. Error: OAuthException Code: 10, (#10) To use 'Page Public Content Access', your use of this endpoint must be reviewed and approved by Facebook. To submit this 'Page Public Content Access' feature for review please read our documentation on reviewable features: https://developers.facebook.com/docs/apps/review.
SHARE